Ағымдағы жылдың 17 қыркүйек күні Бопай ханым жоғары медициналық колледжінің Бас директоры, «Baishev Education Group» корпорациясының президенті, философия ғылымдарының докторы, профессор Ахан Бекежан Аханұлы «Ақтөбе облысының білім басқармасы» ММ басшысы Сұлтан Жайық Исаұлының жеке қабылдауында болды.

Кездесуде колледж Бас директоры 25 қазан Республика күніне орай ұйымдастырылатын ҚР Оқу-ағарту министрі Ғ.Бейсембаевтың 2023 жылдың 19 қыркүйектегі №294 бұйрығы негізінде «Біртұтас тәрбие бағдарламасын» іске асыру бойынша жастардың бойында ұлттық тәрбиеге деген сүйіспеншілікті арттыру, ұлттық құндылықтарды құрметтеуге тәрбиелеу және медициналық бейіндегі мамандарды даярлау сапасын жақсарту мен Қазақстан Республикасының Денсаулық сақтау саласын дамытудың 2020-2025 жылдарға арналған мемлекеттік бағдарламасын іске асыру үшін білім алушылардың ғылыми-зерттеу жұмыстарына баса назар аудару мақсатында Бопай ханым жоғары медициналық колледжінің ұйымдастыруымен өтетін Техникалық және кәсіптік білім беру ұйымдарының білім алушыларына арналған «Бопай ханымның тарихи тұлғасы – тәрбие тұғыры» тақырыбындағы республикалық ғылыми-практикалық конференциясының өткізу бағдарламасы мен ережесін бекіту қаралды.