Ағымдағы жылдың 02 қазан күні Бопай ханым жоғары медициналық колледжінде 2024-2025 оқу жылына арналған старостаттың І отырысы өтті.

Старостат отырыстары оқу процесіне, тәрбие жұмысына, студенттердің сабақтарға қатысуына, студенттің мінез-құлқы мен мәдениеті қағидаларына қатысты мәселелерін талқылау үшін өткізіледі.

Колледж старостаты студенттік бастамаларды дамытуға көмектесу, әкімшілікпен, оқытушылармен және кураторлармен өзара байланысты қолдау үшін құрылған.

Старостат отырысы директордың оқу-тәрбие жұмысы жөніндегі орынбасары Д.А.Куанышбаев пен колледж психологы А.С.Елубаеваның қатысуымен өтті.

Директордың оқу-тәрбие жұмысы жөніндегі орынбасары Д.А.Куанышбаев құқық бұзушылықтардың, суицидтің, ерте жүктіліктің алдын алу бойынша старосталармен әңгіме жүргізді, сондай-ақ студенттердің кешігуі мен сабақтан қалуы туралы тақырыптар қозғалды.