«Біртұтас тәрбие жүйесі» ынтымақтастығы жобасы жоспарына сәйкес, бүгін колледж конференция залында Баишев мектеп- лицей ұжымы мен 5-6 класс оқушыларына ұлт тарихында ұмытылмас із қалдырған , өз дәуірінде ел басқару ісіне араласқан және сараптал саясатшы болған Бопай ханым мен қоғам қайраткері, экономика ғылымдарының докторы, профессор , Қазақстан ғылым академиясының академигі С.Баишевтің өмірбаяны мен ғылымдағы ролі туралы таныстырылым өтті.

Шара спикерлері экономика ғылымдарының кандидаты, доцент, Баишев университетінің проректоры Бухарбаев Шыныбек Мусинович академик С.Баишевтің өмірбаяны мен ғылымдағы ролі туралы құнды ақпарат берсе, Бопай ханым жоғары медициналық колледжінің тарих пәнінің оқытушысы Шахабаева Жанара Болатовна Бопай ханымның тарихи тұлғасы туралы баяндады.

«Тарихи таныммен ұрпақ өседі, ұлттық сана қалыптасады»- десек, бүгінгі шарада тарихи тұлғаларымыздың өнегелі өмір жолдары жас ұрпаққа кеңінен насихатталып, есімдері ұлықталды.