Бопай ханым жоғары медициналық колледжінде сыбайлас жемқорлықтың алдын алу мақсатында түрлі салаларда табысқа жеткен тұлғалардың «Менің жетістігім — менің нәтижем» тақырыбымен TEDX форматындағы кездесу ұйымдастырылды.

Кездесуге «Бисекенова» сән үйінің негізін қалаушы, жеке кәсіпкер Роза Айтқалиқызы, «Болашақ жолы» қоғамдық бірлестігінің төрағасы Нұрсұлтан Мәуленұлы және «Айкүн Ақтөбе» омыртқа сауықтыру орталығының негізін қалаушы, жеке кәсіпкер Снежанна Елеусізқызы шақырылды.

Кездесу спикерлері өз өмірлерінің тәжірибесімен бөлісіп, жетістікке жетудің қыр-сырларын ұсынды. Шара соңында, қонақтарға директордың алғыс хаттары табыс етілді.