ҰСТАЗДАР КҮНІНЕ АРНАЛҒАН МЕРЕКЕЛІК ШАРА ӨТКІЗІЛДІ

Ағымдағы жылдың 04 қазан күні Бопай ханым жоғары медициналық колледжі оқытушыларының құрметіне колледж белсенділерінің ұйымдастыруымен «Ұстаз — мәңгілік нұрдың жаршысы» атты мерекелік концерті ұйымдастырылды.

«Білім — біліктілікке жеткізер баспалдақ, ал біліктілік — сол білімді іске асыра білу дағдысы», — деп Ахмет Байтұрсынұлы айтқандай, білімі мықты, білігі жоғары жаңашыл ұстаздар біздің оқу ордамызда да жеткілікті. Өз істерінің жоғары деңгейдегі мамандары атанған осы бір құрметті жандардың тынымсыз еңбектерінің арқасында оқу орнынан мыңдаған шәкірттеріміз заман сұранысына сай білікті маман болып шығуда.

Шарада колледж Бас директоры Б.Ахан мырза алғы сөз сөйлеп, оқытушыларды колледж директоры Ж.А.Айбасова Бас директор Б.Ахан, Ақтөбе облысының білім басқармасы басшысы Ж.И.Сұлтан мен Ақтөбе қаласының жастар ресурстық орталығының құрмет грамоталарын табыс етті.

Кеш соңында оқытушы — профессорларға колледж студенттері атынан гүл шоқтары табысталып, белсенді студенттердің әндері шырқалып, бишілер өнерлерін көрсетті. Білім мен ғылымға арнаған істеріңіз абыройлы болып, құрметтеріңіз әрдайым арта берсін. Болашақтың тұғыры жастарымыз білімді де іскер болсын! Тәуелсіз еліміз көркейіп, өркендей берсін!

Мерейлi мерекелерiңiз құтты болсын, қымбатты Ұстаздар!