Жыныстық тәрбиенің онкүндігіне орай «Ерте жүктіліктің қауіп-қатері» тақырыбында «Сырғалым» қыздар клубының отырысы өтті.

Аымдағы жылдың 04 сәуір күні «Сырғалым» қыздар клубының жетекшісі Л.С.Сагындыкованың ұйымдастыруымен Қазақстан Республикасындағы адамгершілік жыныстық тәрбие жөніндегі тұжырымдама аясында «Ерте жүктіліктің алдын алу» атты қыздар клубының отырысы өткізілді.

Өткізілген адамгершілік-жыныстық тәрбие жұмысына, акушер-гинеколог А.Е.Сакиева қатысты. Сакиева Алтын Ертаевна сөз алып, «Ерте жүктіліктен қалай сақтануға болады? Ерте жүктілік немен қауіпті?», – деген сауал төңірегінде ой қозғап қыздармен пікір алмасты.

Жасанды түсік — болашақта бала сүю мүмкіндігін төмендететіні, яғни бедеулікке апарып соқтыратыны, жасанды түсік жасататын қыздардың 30 пайызы онкологиялық, гинекологиялық ауруларға шалдығатыны туралы айтып өтті. Қоғамның дамуы мен мемлекеттің өркендеуі – келешек аналар қолында , қыз баланың тәрбиесіне де байланысты.