Кітапхана – білім беру жүйесіндегі ақпарат орталығы
Бопай ханым жоғары колледж кітапханасының кітап қорын оқулықтар, оқу-әдістемелік, көркем әдебиет, мерзімді басылымдар және электронды оқулықтар құрайды. Кітапхана қоры колледж бағытына сәйкес толықтырылып отырады. Колледж кітапханасы – қашан да студент –жастар, оқытушылар үшін білім, мәдениет, ақпарат орталығы болып табылады. Еліміздің болашақ жастарын отансүйгіштікке тәрбиелеу және білімді жастарды дайындауда көмектесу, оларды салауатты өмір салтымен жүруге жол ашу, ақпаратпен қамтамасыз етіп отыру кітапхананың басты міндеті.
Колледждің кітапханалық қорын қалыптастыру оқытушылар құрамы жасаған ұсыныстары негізінде және ҚР, РФ баспаларынан жыл бойы келіп түсетін Прайс-парақтарды арқылы жүргізіледі. Кітапхана «Эверо», «ГЕОТАР-НС», «РМЭБ», «Фолиант», «Арман ПВ», «Мектеп», «Бастау», «Ақнұр», «Қазақ университеті», «Феникс», «ЮРАЙТ» және т.б баспаларымен тығыз байланыста.
Колледж кітапханасында оқырмандарға жедел қызмет көрсету мақсатында «КАБИС» электронды бағдарламасы және «Заң» ДБ жұмыс істейді. Сонымен қатар кітапханада алфавиттік, жүйелік каталогтар бар, сонымен қатар кітапхана каталогтарының сапасын жақсарту үшін әр түрлі бөлімдер бойынша ӘОЖ жүйелендіріледі.
- All
- Кітапхана
📚Кітап оқу – адамға өзіндік әсер етіп, оның адам болып қалыптасуында маңызды рөл атқарады. ҚР Президенті Қасым-Жомарт Кемелұлы Тоқаев кітап оқу мен кітапханаларды қолдау қоғам дамуының басты міндеттерінің бірі екенін айрықша атап айтқаны баршамызға белгілі. Мемлекет басшысының осы бағыттағы тапсырмасына сәйкес «Кітап оқитын мектеп – оқитын ұлт» жаңа жобасы қолға алынып, іске асырыла бастады. 🔹Колледж кітапханасының қорын толықтыру, жастарды оқуға тарту мақсатында ұйымдастырылған акция – «Кітапханаға кітап сыйла!»…
Ағымдағы жылдың 15 наурызында Оқуға құштар колледж жобасы аясында Бопай ханым жоғары медициналық колледж кітапхана қызметкерлерімен және №120 «Емдеу ісі» тобының білім алушылары Ақылбекұлы С.,Бисембайқызы Ж.,Аппаз Б.,Жолдыбаева А., Шегебаев Ә., Шыңбергенова Д.,Шегербаев А.,Өткелбай А.,Ерсайнова М біріге ұйымдастырылған «Ақылдылар мен алғырлар» атты әдеби- ойыны өткізілді. Мақсаты: Ұлттық дәстүріміз бойынша өтетін Наурыз мерекесінің ерекшелігін, табиғат пен адамның байланысын, салт-дәстүрін, өз ұлтына деген сүйіспеншіліктерін арттыру. Қазақ халқының әдет-ғұрпын дәріптей отырып ,…
Бопай ханым жоғары медициналық колледж кітапханасы “Оқуға құштар колледж” тұжырымдамасын іске асыру мақсатында колледж кітапханашыларының ұйымдастыруымен “Әдеби кейіпкерлермен бірге саяхаттаймыз” атты дәстүрлі кітап көрмесі ұйымдастырылып, колледж студенттері көрмемен таныстырылды.Көрменің негізгі мақсаты қазақ классиктерінің көркем әдебиеттерін насихаттау , оқырмандардың кітапқа деген қызығушылығын, интуицияны, болжамды, эрудицияны, әдеби шығармаларды оқуға деген ұмтылысты дамыту. Кітапқа деген сүйіспеншілікті тәрбиелеу.